’டெஸ்ட்’ - விமர்சனம்

YNOT ஸ்டுடியோஸ் தயாரிப்பில் எஸ். சஷிகாந்த் இயக்கத்தில் மாதவன், நயன்தாரா, சித்தார்த், மீரா ஜாஸ்மின், காளி வெங்கட், ஆடுகளம் முருகதாஸ் ஆகியோர் நடிப்பில் ’டெஸ்ட்’ திரைப்படம் நெட்ப்ளிக்ஸ் இணைய தளத்தில் வெளியாகி இருக்கிறது.

கிரிக்கெட் விளையாட்டில் இந்திய அணியின் நட்சத்திர வீரரான சித்தார்த் கடைசியாக நடந்த  சில போட்டிகளில் சரியான முறையில் விளையாடவில்லை என்பதால் அவரை அணியில் இருந்து நீக்கிவிட்டு புதியவருக்கு வாய்ப்பு கொடுக்க நாசர் தலைமையிலான கிரிக்கெட் வாரியம் முடிவு செய்கிறது.

கிரிக்கெட் வாரியத்தின் முடிவை ஏற்க மறுக்கும்  சித்தார்த் சென்னையில் நடக்கும் இந்தியா பாகிஸ்தான் இடையேயான கடைசி டெஸ்ட்  போட்டியில் சிறப்பாக விளையாடி தன் திறமையை வெளிப்படுத்த நினைக்கிறார் .

மற்றொரு பக்கம் தனியார் பள்ளியில் ஆசிரியராக வேலை செய்யும் நயன்தாராவின் கணவனான மாதவன்  தண்ணீரிலிருந்து எரிபொருள் தயாரிக்கும் தொழில்நுட்பத்தைக் கண்டுபிடிக் கிறார் , 

தனது கண்டுபிடிப்பிற்கு அங்கீகாரம் பெறுவதற்காக ரூபாய் 5௦ லட்சத்தை வட்டி தொழில் செய்யும் முருகதாஸிடம் நயன்தாராவிற்கு தெரியாமல் கடனாக வாங்குகிறார் .

இந்நிலையில் திருமணம் நடந்து  பல வருடங்கள் ஆகிய  நிலையில்  குழந்தை செல்வம் இல்லாமல் மனவேதனையில் இருக்கும் நயன்தாரா  இறுதி முயற்சியாக செயற்கை கருத்தரிப்பு முலம் மருத்துவ சிகிச்சை மேற்கொள்ள முடிவு செய்கிறார்.

ஒரு கட்டத்தில் மாதவனிடம் கொடுத்த ரூபாய் 5௦ லட்சத்தை வட்டியுடன் பணத்தை வசூலிக்க பிரச்சனை செய்கிறார் முருகதாஸ் .

மற்றொரு பக்கம் தனது கண்டுபிடிப்பிற்கு அங்கீகாரம் பெறுவதற்கு கொடுத்த தொகையை விட மேலும் அதிகபட்ச தொகையை செலுத்த மாதவனை நிர்ப்பந்திக்கிறது அரசாங்க மேலிடம் .

இந்நேரத்தில் நயன்தாரா செயற்கை கருத்தரிப்பு முலம் மருத்துவ சிகிச்சைக்கான பணத்தை கட்ட மாதவனை கட்டாய படுத்துகிறார் .

முடிவில் மாதவன் கண்டுபிடிப்பிற்கு அரசாங்கம் அனுமதி வழங்க அதற்குண்டான தொகையை கட்டினாரா?

மருத்துவ சிகிச்சை  எடுக்க இருக்கும்  நயன்தாராவிற்கு குழந்தை பாக்கியம் கிடைத்ததா?

சித்தார்த் கடைசி டெஸ்ட் போட்டியில் தன் திறமையை வெளிப்படுத்தி வெற்றி பெற்றாரா? இல்லையா? என்பதுதான் ’டெஸ்ட்’  படத்தின் கதை.

மாறுபட்ட நடிப்பில் நடிக்கும் மாதவன்.தனது லட்சியத்தை அடைய எந்த எல்லைக்கும் செல்லக் கூடியவராக வித்தியாசமான கதாபாத்திரத்தில் இயல்பான நடிப்பில் சிறப்பான நடிப்பை வெளிபடுத்தியுள்ளார் 

பள்ளி ஆசிரியராக வரும் நயன்தாரா குழந்தைக்காக ஏங்கும் கதாபாத்திரத்தில் எதார்த்த நடிப்பை வெளிப்படுத்தியிருக்கிறார்.

கிரிக்கெட் வீரராக நடித்திருக்கும் சித்தார்த் முன்னணி கிரிக்கெட் வீரராக இக்கட்டான சுழலில் இருக்கும் ஒரு திறமையான விளையாட்டு வீரனின் மனநிலையை வெளி படுத்தும் விதத்தில் அவரது நடிப்பு சிறப்பாக இருக்கிறது .

சித்தார்த்தின் மனைவியாக நடித்திருக்கும் மீரா ஜாஸ்மின் காளி வெங்கட், ஆடுகளம் முருகதாஸ் என படத்தில் நடித்த அனைவரும் கதைக்கு ஏற்ற தேர்வாக இருக்கிறார்கள்.

இசையமைப்பாளர் சக்திஸ்ரீ கோபாலனின் இசையில் பாடல்களும், பின்னணி இசையும் படத்திற்கு பலம்.

ஒளிப்பதிவாளர் விரஜ் சிங் கோஹிலின் ஒளிப்பதிவில் காட்சிகள் பிரமாண்டமாக உள்ளது.

கிரிக்கெட் போட்டியில் நடக்கும் கிரிக்கெட், சூதாட்டத்தை கதையாக கொண்டு மற்றொரு பக்கம் வாழ்க்கையில் வெற்றி பெற வேண்டும் என்று நினைத்தால் மட்டும் போதாது, அதற்கான முயற்சியை கடைசி வரை மேற்கொள்ள வேண்டும் என்பதோடு மூன்று கதாபாத்திரங்களின் மனபோராட்டங்களை அழுத்தமாக பதிவு செய்து  ஒரு எதிர்பார்ப்புடன் அனைவரும் ரசிக்கும்படி படத்தை இயக்கியுள்ளார் இயக்குநர் எஸ்.சஷிகாந்த்,

ரேட்டிங் - 3 . 5 / 5